وبالعراقي…
اه يا نوح الليالي وغربة الروح
وياشهگ السواگي بصيف من تنشف
اه يا لفح الملوحة لشوغة المجروح
ويا دمع البواجي بشوگ من تنهل
اه ياشمت العواذل.. إبعقرة المحروم
ويا حضن اليلولي بلا طفل يصرخ
معقود اللسان يظل …وتوجر الروح
وبس الإيد فوگ الإيد..
بنص القهر .. .. تِصفِگ
اه ياشوگ العمر من يذكر إصباه
ويا ذكرى الطفوله بشيب من تحزن
اه يا فقد الأحبه بنص وقت معتاز
ومن جور الزمان بساعه لو يغدر
تترادف مصايب ….تنزف جروح
وسچين المذلة ..بنص گلب تنغز
صعب اعله الكريم الزمن لو دار
وصعبه العزيز بتالي الوكت ينذل
يكسر حيل ….. يهد جبال
يضعضع بالضلع…
حيييييل…….. الحمل من يثگل
بقلم
زينب التميمي
—————————
معاني الكلمات من اللهجة العراقية الى الفصحى:
گ =ق
توجر… تشتعل
ياشهگ: من الشهقة الغصة او
الاختناق
الشوغة: الحرقة من الألم الشديد
البواجي: البكاء
إبعقرة: المرأة العاقر التي لاتنجب
اليلولي: اغنية تغني للطفل حتى
ينام دللول
ياابني في العراق والشام
فوك الإيد: صفقة اليد باليد من الحسرة
بنص وكت معتاز.: في عز
حاجتك للشخص المفقود
بمعنى ان القاف تلفظ گ زي g
جريدة الأقلام الدولية International pens newspaper 
أضف تعليق