جريدة الأقلام الدولية International pens newspaper

( وإشتهيتك ) 

….

وشتهيتك ..

ماي يرويلي لهاتي .. 

بس عظم شاخص لگيتك

وشتهيتك .. 

بالحلم فرحه تمرني ..

يل نسيت ومانسيتك

وشتهيتك .. 

شمة اعذيبي .. إمن أشمهه ..

تردلي روحي الـ خَيِّمَتْ يم باب بيتك

يل بعت روحك رخيصه اعله الشراك

وآنه بالغالي شريتك .. 

يل خذت روحي اليتيمه 

وگوطرت بيها بعيد .. ورغم كل هذا تنيتك

ومادريتك ..

خنجر ايگطع الخواصر .. 

والغدر باني ابثنيتك

مادريتك .. 

جايني ابوجه المحبه

وگلبك أسود ..

وآنه بعت الدنيه كلها وصدگيتك

ومادريتك .. 

شامت اتفرح العواذل 

باليريد ايعلي صيتك

مادريتك .. 

حافر البير اعله دربي 

وتنتظرني .. 

وآنه ملهوف اعله شوفك واعتنيتك

مادريتك .. مادريتك 

بقلم

مشكور نعيم الطائي