جريدة الأقلام الدولية International pens newspaper

 الدنيا 

الدنيا ماتثبت ابحاله 

..الدنيا ببنادم اتميل..

اشماعشت تلكَه النتيجه

 عمرك العشته قليل..

واحنه فاتحنا الوكت باسراره من ضم

كَال مااخجل الطبعي 

جي خلقني الله سبيل ..

المافهم شرّد ادروبه  

وعال بالدنيا كَبل مابيه تعيل ..

فتن روحه الف نوبه 

واشترى الامثال بالماله مثيل ..

واحنه بدلنا الذهب بالاغلى منه 

او دكَت النه اجفوف باب المستحيل.. 

جي رفعنا اترابنا فوك الثريا

والثرى كله محاسن للعرف والرب وكيل..

شفنه ليلو الدنيا اظلم 

والرماد البيها للباوع دليل ..

مالكَينه الجذب بعيون الصراحه

ومارضينا بالصدك مره بديل ..

عبّرينه بروح فوك السما اترفرف 

كل وهم ليله على ابنادم طويل ..

احنا تيجان الوكت وملوك اهلنا

عرف معدنا اليخاوي واليعيل ..

وسالفة كل بشر دربه

والحجي اهواي وطويل …

غربة المايرد لهله

وليل عاشك مالكَه الولفه عديل..

وماكَدر يحمل اشواكَه

 ولالكَه السلواه بديل ..

وهاي دنيا..

اتريد تعرف كلشي بيها.. مستحيل 

مستحيل …!!!

بقلم 

المار العبيدي