(أسئلة فتاة فقیرة التي كان عليها العمل في جمع القمامة لمساعدة عائلتها)
صفنة
زهرة جبار الأحوازية
من یا ذنب آدم طحت للگاع صبخه و سولفاني الشوک والخرنوب سله
ابیا سوالف زودیت الطین بلّه
حسرات یا عاجر نعتني و هزني کاروك اللسن
من یا نبي شنقيت آيه و غرغر ابچفي الرسن
ابیا جدر مدیت حلمي و بیه فزت ناس طرشه
ابیا جرح مریتهم کومة ملح رشه علی رشه
اتگرگدت من یا قلم چلمه و طحت بسنون مساحة غرب
فانوس یا سچة العميته و رمدت اعيون الدرب
من يا حرب
رديت حلقه ابلا عرس
شمروني حتى اطفالهم شمرة ضرس
ابلا شمس
مليت من ضحكت وردهم من يعيروني ابصفاري
و تعبيت من جارس بردهم ذبلو بية خضاري
حسرات تاخذني اعله طولي و شيبت بية الگذل
من يا اگلاده اتدحرجت للگاع خرزه و صاغنی العالم حجل
امرایة چني و للصخر مطلوبه ثار
کل ساعه یرموني ابسوالفهم قصر
حنطه و وسط رحّه انعصر
منهو یجابلني ابصفنتي
الفین لیش و لیش عندي
یا هو الیرد و یخبط الصفنه ابصفنتي
جريدة الأقلام الدولية International pens newspaper 
أضف تعليق