جريدة الأقلام الدولية International pens newspaper

مسافر

صباح الساعدي 

مسافر ودربي طويل

وحاضنة اقدامي المسافات

وغصب تاخذني المشاوير

وتلتفت دمعاتي للفات

وين جنه بيا نعيم

وياقدر مجهول ياخذنه البعيد

وياظلام اليشتهينه 

والحزن منه شيريد

مو جنت باحضان شفه

ضحكة بعيون الطفل من يجي العيد

لكن الدمعة مصير

ودرب المسافر متاهات

وغصب تاخذنه المشاوير

وتلتفت دمعاتي للفات

هذا حد عمر الهوى وهل ينتهي

وهاي ساعاته الاخيرة

وطر فجر موت الندى

وهاي كطرة عالورد ضلت اسيرة

لاهي تروي ,,,, ولاهي تكدر

تترك اخدود الورد ضلت بحيرة

وبين خيط الشمس وخدود الحرير

انذبحت الكطرة بسجاجين الملامات

وغصب تاخذني المشاوير 

وتلتفت دمعاتي للفات