جريدة الأقلام الدولية International pens newspaper

 

شميتك… 

سلام صلاح 

وارتعش كلشي وغفيت 

بين خزامة حلاتك 

والزلف ديرم حِليت 

وانّتشيت .. 

روج يصعد روج روحي 

بين احضانك صفيت 

اتلمسيت .. 

خوخ والريحان گذله 

والرمش نعناع فايح 

لحد ما شَمه إنچويت 

گلبيت اوراق خدك 

ورقه ورقه 

أفيش متروس الورق لمن قريت 

التين عندك منّه غار التين كله 

ويا طعم هيل الشفايف ما لگيت 

وشتميت .. 

لحد أخر نفس بالشمه ما خليت 

من وجيت .. 

ما خليت هدم اعليه من وجيت 

يالمطفيني من ناري 

دخيل اعيونك اشسويت 

كناري الغنوه فزت صيت 

وإتّلاحگت فيروزي 

غناوي 

ومَكحله 

وچكليت 

هوَ إيسابگ هوَ اتوازيت 

زتني إعله الحنچ دَگه 

اريد اوگع نده اتوازيت 

زتني الغرفة اضلوعك 

اريد اگعد ابصدر البيت 

شمني ابداعة انفاسك 

لحد ما مَهرة احساسي 

تهد اعنانها الخواف 

لحد ما يوگع ويذبل شكو صفصاف 

شمني واني اشمك قاط يلحگ قاط 

لحد ما ترجف الأطراف 

وازيني الوزه الوياك 

يبني الساف فوگ الساف 

ما اطيحن ..

واريد أبني 

اعله شفتك ديره من إشفاف 

اريد ارسم طبع مشتاگ 

فوگ الرُگبه من ألتاف 

شميتك.. 

شميتك ..

 لحد ما عَزل الشباچ 

وضي الگمر ما ينشاف