جريدة الأقلام الدولية International pens newspaper

 

شهرُ   الحسين أقبلا .. هَبَّتْ له ريح الفلا

فلنرتدي سوادنا .. ونهتفُ ياكربلا

.أبو طيبة الطائي 

ياشهر عاشور ياشهر الكدر

بيك حلت نايبه اعله اشرف بشر

ياشهر عاشور يل بيك انكسر

ظهر زينب يوم ﭼـتل اخوانها

……….

ياشهر عاشور يل منك بدت

المصايب والجروح الماشـٍفَت

ياشهر يل بيك شمس الله انطفت

من وگع شبل النبي ابميدانها

……….

ياشهر عاشور يل ماتنحمل

بيك صارت موزمة سيد الرسل

بيك زينب صعدوها اعله الهزل

وشَتموها وهيجوا احزانها

……….

ياشهر عاشور ياشهر البَلَه

يل فجعت حسين بعياله وهله

وفْجَعِتْ گلب البتول ابكربله

وكربله اهتزت ابكل اركانها

……..

ياشهر عاشور ياشهر الحزن

بيك زينب حايره ابهمها وتون

لا أخو اليمهه ويصبرهه وتعن

ولا أبو ولا أم تِهَيْدْ أشجانها

………

ياشهر هليت بالهم والألم

يوم بيك إنْـﭼِـتَلْ شيال العلم

إمگطعات إﭼـفوفه وبعينه السهم

المِنَّه بالحومه تفر فرسانها

………

ياشهر يل بيك شو حل الـﭼَـتِلْ

إعلَه هل بيت المصطفۍ سيد الرسل

لاشباب الظل ولاشيخ وطفل

ولابقت حرمه لسيد أكوانها

……….

ياشهر عاشور ياشهر الدِمه

يل كسرت اهواي خاطر فاطمه

وزينب الحره الأبيه العالمه

بيك حِرْگَو ياشهر صيوانها

…………

ياشهر عاشور يل بيك إنفجعْ

گلب ابو الحسنين يوم البي سمعْ

حسين دون الدين برض الطف يگعْ

أوخِـيَمْ زينب تلتهبْ نيرانها

ابو طيبة الطائي