زهير التميمي
گالولي سولف عالعشگ
گلتلهم انطوني صبر
خل تنزل الدمعه
خل تترس عيوني دمع
من عيونها الوسعه
العشگ بس الها صدگ
وخلافها ماكو عشگ
ولاتشتعل شمعه
حتى النجوم ولا گمر
مابيها اثر لمعه
من خدودها …
الحمره خجل
تنّور الدنيا ضوه
وتنّور الشمعه
ومن تمشي بروحي
هوى..
اتنفسه بليل وصبح
مابيه ابد رجعه
بعيونها الحلوه كحل
لو زعلت بلحظة غضب
يغازل الدمعه
وبصوتها رنة عشگ
موسيقى وألحان وطرب
وتزيل كل وجعه
والشَعر ليل وي الگمر
من اغفه ينزل عالوجه
اه شكثر روعه
وهسه اعتقد كافي غزل
مابيَّ أوصفها بعد..
چي نزلت الدمعه.
جريدة الأقلام الدولية International pens newspaper 
أضف تعليق