جريدة الأقلام الدولية International pens newspaper

فلاح السيد

اخذوا عباتي

الطفل
يوجع تره الزلزال
ما عندي حاجه ذخر
لا عندي بيت ومال
وحدي أعيش بحزن
والفرح عده وشال
والدنيا ضنكة گبر
والصدگ ما ينگال
مو هيچ يهل الكرم
نودي لهلنه ( سمال )
العوز مجرم صلف
ما ينحمل كتال

شگد عينه وكحه الوكت
چم طفل ضل مفجوع
يمه عباتچ ستر
يكفي بچيتي دموع
عندچ گلب عالناس
متلهف وموجوع

عز الله انتي الشرف
والوطن والرايه
تاج اعله راس الزمن
وهمومچ هوايه
يكفي عباتچ بخت
ودموعچ ولايه
يايمه يم الكرم
انتي اعظم حچايه