يمعودين شوفو شگاعد يصير
حاتم أحمد الهاشمي
فر العوز ،،،،،، أيدينه ولواهه
ناس اتغربلت واتحطمت ناس
وناس اعله الدرب تنطر سراهه
وعدتو الناس عيشة اتريح البال
وگلتو الجاي وكت وبيه نفاهه
بيكم صدَّگت،، لن طيبة گلوب
وحشاهه اتقشمرت بيكم حشاهه
گلتو الماضي راح وجايكم خير
ونصحتو الناس لاتباوع وراهه
وخِلفتو وعودكم واتبين الزيف
وجوه ال جتنه نعرف مشتهاهه
صحت وادمنه كلش من الاحلام
بان الباعهه وبان الشراهه
العالم بطلت،،، مارادت الكيف
العالم دايخة،،،،، بجيبة عشاها
وصلنه لحال صرنه بطرگ الهدوم
وناس تنازلت عن مستحاها
بعض الناس باعت كلية وطحال
وبعض الناس باعت حت ضناها
عجيبة بساسة تلبس زي الاسلام
عمايم والسبح،،، تسحل وراهه
ولا همه اليتيم،،،،، ينام جوعان
ولا حرمة السگف،،،،هو سماهه
الناس بنص خيم ماحصل ينام
وهو قصور،،،،،،،، باوربا بناهه
ومواكب لو مشو هيبة وحمايات
الچان ابلا شرف يمشي بوجاهه
الذنب بينه،،،،، قبلناكم تحكمون
وندريكم نتاج،،،، لكل سفاهه
انطيناكم وجه ،، ماحصله الغير
جد جدكم ،،،،،، گبلكم مالگاهه
للكرسي وصلتو،،،،، بأمتيازات
وحصانتكم نبي،،،،وماحصلاهه
بگتو بگد زهد حيدر والحسين
بگد تمر الجزيرة،،، ، وگد نواها
وظلمتو بگد عدد اشجار العراق
واكثر من فساد ال،،،، بلنزاهة
زدتو الطين بلّه وزدتو الاوجاع
الناس اتغربلت. زدتو بشگاهه
نيتكم دغش، وانكشفت بساع
الناس اتأكدت،، من محتواها
جريدة الأقلام الدولية International pens newspaper 
أضف تعليق