جريدة الأقلام الدولية International pens newspaper

ثگيلة الوجوه 

شعر شعبي عراقي 

فلاح السيد

ثگيله وجوه أشوف

بثگل ال غيوم       ..

وأنه بطرگ الجگاره

وجرح ملچوم       ..

وثگل حملي بثگل 

حمل الفراگين 

وصرت سچه وعشت

كل عمري مهموم   ..

تسحگني الليالي 

بحلگ الأيام 

وتوجعني وجع 

من طاح مسموم   .. 

وكابر گوه وأصفگ

راح براح 

ونفس دخان روحي

وحيل مهدوم      ..  

وَخيط ذيچ مره وتنفتگ

هاي لا ضحكه بحياتي

ولا فرح يوم  .. 

دنيه وعشت بيهه

جناح مكسور  

مدري شبعد أشوف

وشنهي مضموم  ..