حاتم أحمد الهاشمي
(( واغزتاه )) / شعر شعبي عراقي
شجاكم ياعرب دنگتو ليش الراس
ورضيتو العار آلنه وذلَّة الهامة
ألقدس تصرخ تصيح الله ياحكام
على غزة الجريحه تقوم القيامة
مو مسرى الرسول يصيح يااسلام
ومو هانو نسائه وذبحوا ازلامه
شجاكم ياعرب ياذلة الحكام
عدّونه بسبب ذلكم زاد بأجرامه
ألما يفزع لغزة وما يهزه ألصار
ويظل عار ويظل مشكوك بأسلامه
القدس تصرخ عليكم ماسمعتو الصوت
وأحدكم صنم ميحرك أجدامه
عذراً ياقدس،، ياغزة،، نسمع صوت
ونشوف أبنچ يغزة ألكسرو أعظامه
أصرخ ياقدس ياغزة علّي الصوت
صحو النام ذلّه وعاش بأحلامه
أسف ضاع العراق ألچان يحچي بزود
وصواريخه أل تهد بزود رجّامه
وأشباه الزلم ضلّت لأبن صهيون
خدام أتفاخر،،،،، رافعه أعلامه
وظل شعب العروبه مچتف ومحكوم
وصفه والله اسير بأيد حكامه
علينه يصير حاكم ماتهزه جبال
ويتهنتر علينه ،،،، ورافع الهامه
وگبال اليهود تگول نعجة يصير
يظم راسمه جبن،،، ويصير نعامه
أسف ياللاسف تنحسب عألاسلام
يرمز الجاهلية ،،، وذلة أصّنامه
ماهزك ضميرك يلضميرك مات
موحتى اليهودي يدين بأعلامه
موكافي شجب ملينه الاستنكار
خجلتو الصحافي وخجلت أقلامة
گوم أفزع بسيفك ناصر الاسلام
على غزة الجريحه تقوم القيامة
أبن عمك تحاصر صار مثل حسين
من كتلو عيالة وحرگو خيامه
أطفال أتباچه من الوجع والخوف
ونساوين الثكالى،،، بزود لطامه
وين أبن الحميه يصير چن عباس
وياخذ جود مايه،،، ويسبگ جدامه
شجاكم ياعرب،،،، ياذلة الحكام
جبان ال مافزع بالكونه لأعمامه
سهل يسمع الحي بسرعه لو ناديت
وما يسمع الميت يصعب إقّيامه
ياشعب العرب حكامكم ميتين
إدفن ميتك بالدفنه إكرامه
إدفن ميتك بالدفنه إكرامه
جريدة الأقلام الدولية International pens newspaper 
أضف تعليق