((صولة الحق ))
حاتم أحمد الهاشني
وداعت الله ال ماتضيع ودايعه
غزة كلها وكل زلمها الفازعه
الفرّحو كل العرب والمسلمين
زلم بس غيرة ومراجل راضعة
والله هزهزتو عرش ذوله الطغاة
النگطه بگصصكم أبد ماواگعة
وصل صوت صراخهم لأول سماء
وصوت تفگتكم وصل للسابعة
سمو بأسم الله وابد لاتبردون
صيرو نار بچف عدوكم لاچعه
عفية يرجال ونعم كلكم إباء
الگاع بإذن الله وعزمكم راجعة
وأبد عونه من العرب لاتنطرون
قادة عدهم ،،،،، ماتقاتل خانعه
ذوله شلّه من الغجر مايستحون
ذوله سلعة القدس عنده وبايعه
والله مابيهم أبد حيد وشجاع
تسمع الدعوة وكأن مو سامعه
وأبد مابيهم سبع يرفع أديه
كالعواهر تدري شنهو الرافعه
عفية خوتي ال مارضو بالذله يوم
زلم خشنه ،،،،،ومو مثلهم مايعه
شدو يللا حزام گلبوها گلاب
فگسو كل عين بأرضكم طامعة
وداعت الله ال ماتضيع ودايعه
العونه منك يبو الرحمة واسعه
ذوله اهلنه ابعوز نصرك يامجيب
ذوله الك دايم ،،،گصصهم راكعة
جريدة الأقلام الدولية International pens newspaper 
أضف تعليق