جريدة الأقلام الدولية International pens newspaper

أردود حنيت

یاسمین العبادی الاهوازية

کِسریت توبه اردود حنیت
شلتک و طاحت قابلیتی

وندمان منک لهلی رِجعیت
الفاضحنی مو دمعی، مشیتی

وانته ابسفر یوم الی رَدیت
رَدت علیه شاعریتی

جایب چِفَن بس انه مومیت
وتسئل تحب لو لا هدیتی؟

ومن فَشلتی رَدیت غَنیت
ها یا مِنیتی اتأخَریتی

حزنی ابثگل یوم الی لاگیت
تابوت ابوی ابوَسِط بیتی

یمشی یِضُل، محتار ضَلیت
بثنینهن تکثَر اذیتی

ومثل الشماته ابروحی سِئلیت
یا عینی خبرینی اشبچیتی؟

فرق العجوز و چَنة البیت
اختلف وی صورة هَویتی

مَلتنی ناسی وحین وَصیت
ویای دفنوهه وصیتی

بایگ زرع مَن؟ وین هدیت؟
حتی الذنب صار ابخُطیتی

وهزیت راسی الروحی لولیت
یا روحی من شفتچ نعیتی

وخلگ البِدو لناس خَلیت
یا روحی تالی اشحصلیتی؟

ومن البدایه أیست عُرفیت
ماخیر یلحگها قضیتی