يرضي مين
متولي محمد متولي / مصر
شعر شعبي مصري
.
رمضان كريم مش بخيل
و ع الجميع بيجود
يا اللي قتلتوا القتيل
في اللفة كان مولود
رضيع ووجهه الجميل
كالسكر المعقود
كان طفل إبن يومين
ولسه جي ع الوجود
لا شاف فرات ولا نيل
ولا قال عرب أو يهود
لا كتاب ولا إنجيل
ولا يعرف التلمود
يا دوب سواد الليل
حرقوه بنار البارود
يا خلق يا صايمين
في أي شرع ودين
ده طفل إبن يومين
لسه يا ناس مولود
لسه لا نطق ولا قال
ده لسه جي للوجود
إيه ذنبه دمه يسيل
يصبح شهيد موؤد
دمه اللي سال م العيون
شقق بياض الخدود
يا خلق ليه ساكتين
ع الظلم والظالمين
يشردوا الملايين
ويروعوا الآمنين
يا خلق يا صايمين
ليه صم مش سامعين
ليه عمي مش شايفين
يا خلق يا صايمين
هو ضميركم فين
كلمات/ متولي بصل
مصر
جريدة الأقلام الدولية International pens newspaper 
أضف تعليق