جريدة الأقلام الدولية International pens newspaper

ال عافني خسران

فلاح السيد

ميهمني شيگول
رخص سوگه ولا يظن
سعره غله ..
اليبيع العشره
ما عنده وفاء
ينكسر جنحه لون
طار وعله ..
لا يظن باقي بعد
غالي وعزيز
الما يصون الخوه
مابيه مرجله ..
لا بعد بالعين يلگاله مكان
حنضل بريجي
ولا مره حَله ..
ربات ضيم وشايف
الوادم أصناف
بيها طيبه وبيها
ناس محيله ..
بس عرفت الزين
من فعلٍ جميل
ذاك طيب ذات
أبـد ما أبدله ..
هيه دنياتك تحب
بس الوكيح
وذاك من ذاك
الحفظ سيرة هله ..
تشوفه كشخه ويعتقد
بس هوه زين
كشخة من يفرغ
گشـرها السنبله ..
انه لا ركيت من غدر الزمان
ولا تحيرني قضيه ومسأله ..
صرت شاخص لا ضعف حيلي
وشكيت .. صابر وكل شي
يمرني أتحمله ..